مسمّي روحي زادة على سوشل ميديا برهوم الـBeliever، كوتش و مدرّب على القيادة الذّاتيّة و مستشار في التفكير و التّخطيط الإستراتيجي.
نعاونك تعوّض الحيرة بالوضوح و نمكنك بش تبني نظام للفوضى العاطفيّة و نرافقك لين تلقى رسالتك في الحياة.
خدمتي تربط علم النفس الإيجابي بالإيمان و التخطيط الإستراتيجي، مش بش نخليك تاخو قرارات أكثر، بل بش نعلمك تاخو قرارات أصح.
مانيش متع متوفياسيون و تحفيز، بل مهمتي نوصلك لمستوى متقدّم متع إنسجام و تصالح مع روحك، خاطرني نمّن الي التّغيير الحقيقي يبدا كيف تواجه روحك بصدق و تتمكنّ من قيادة عالمك الدّاخلي قبل ما تخرج البرا.
مهمتي معاك بسيطة: نعاونك توحّد قواك الدّاخليّة بتناقضاتها و تبني حياة متناغمة مستقرّة و تشبّهلك.
نربحك برشا وقت في شويّة وقت كان عندك صدق و صبر.
أقسّم مراحل القيادة الذاتيّة إلى أربع
وليت نفيق بmanipulation اذا كانو يعملولي فيها و الا الي نعمل فيها انا بش نحمي روحي و ولى عندي رافلاكس نسأل روحي"علاش صار اكاكة؟" "علاش عملت reaction كبيرة" "علاش ماعملتش reaction جملة" و في الخدمة (هاذي أكثر حاجة إكتسبتها و تمكّنت منها) وليت نعرف نطلب حقي بصحيح و مانحشمش و نضرب عليه بالبونية و نعطي حق الناس.
بصراحة، الخدمة مع إبراهيم كانت نقطة تحوّل في رحلتنا كروّاد أعمال. قبل ما نبدأو معاه، كنا ديما نحسو رواحنا نجرّيو و نخدمو برشا، أما ساعات نضيعو في التفاصيل الصغيرة و ننساو الهدف الكبير. إبراهيم عاوننا باش نبدلو النظرة متاعنا، و نركّزو على شنوّا المهم بالحق. إبراهيم عاوننا برشا باش نفهمو رواحنا أكثر، و كيفاش نتحكمو في الضغط و نحافظو على التركيز متاعنا، خاصة كي تكون عندك مسؤوليات كبيرة و مشروع لازمك تسيرو كل يوم. كل مرّة نحكيو معاه، نرجعو نعرفو شنو نحبّو، و كيفاش نوصلولو. يعطيك طاقة إيجابية كبيرة، و يخليك تشوف الأمور من زاوية جديدة، بسيطة أما عميقة.
طبيعة الخدمات الي نقدمو فيهم تحتاج مني مستوى عالي في التّواصل و إدارة الخلافات و القيادة و الحكمة العاطفيّة. التدريبات مع برهوم عاونوني برشا بش كل ما نلقى روحي في إدارة أزمة أو خلاف نجّم نتعامل معاهم مليح و هذا سهّل علينا نجاحنا سواء في التعامل مع الكليونات و الشركاء و الا الفريق متاعنا.
الميتود الي نخدم بيها من أول ما بديت رحلتي في مرافقة النّاس مبنيّة على مبدأ واحد: الوضوح الدّاخلي يخلق القوّة.
الوسيلة الرّئيسيّة الي نستعملها هي الكتيبة مش كفرض منزلي كيما قرّاونا كيف كنا صغار، اما كمراية تعاونا نغوصو في وسطك بش نظمو مناطق الفوضى الدّاخلية الي فيك و نفهموها.
من خلال التفكير المنهجي و الكتابة التّعبيريّة نعاونك تترجم مشاعرك لفهم و وعي و أفكارك لخطط عمليّة و وجهة محدّدة.
كل ساسيون مع بعضنا نحكيو فيها مع جوانبك النفسي و الرّوحي و الاستراتيجي بش نوحدو عقلك و مشاعرك و قراراتك على طريق وحدة تشبّهلك.
ماهيش جلسات علاجيّة أو تحفيزيّة أو نصائح عامّة، بل هي رحلة منظّمة و مُمنهجة بش تتمكّن من القيادة الذّاتيّة، بش تتعلم من خلالها تقرا أنظمتك الدّاخليّة، تفهمهم و توحّدهم و تقود حياتك بحقيقتك.